Komisioni Qendror Zgjedhor në një konferencë për media ka prezantuar fletëvotimin për zgjedhjet e parakohshme parlamentare të 11 qershorit.
Dizajni i fletëvotimit nuk dallon nga ai i përdorur në zgjedhjet e kaluara.
Në anën e majtë tuajën, në flet votim, votuesit do të zgjedhin partinë politike apo koalicionin të cilin duan ta votojnë. Ndërsa në anën e djathtë votohet për 5 kandidatët për deputetë të të njëjtës parti/koalicion të cilin e keni zgjedhur në anën e majtë.
Kujtojmë se javën e kaluar KQZ, hodhi shortitn e renditjes së partive në fletëvotim. Koalicioni PDK-AAK-NISMA do të ketë numrin 12, koalicioni LDK-AKR-Alternativa numrin rendor 16, Lëvizja Vetëvendosje numrin 35 , Partia Fjala numrin 29, ndërsa Lista Serbe numrin 22.
Përndryshe, fushata zgjedhore zyrtarisht fillon më 31 maj dhe zgjatë deri më 10 qershor, kurse në garë janë 26 subjekte politike./tesheshi.com/
