Komisioni Qendror i Zgjedhjeve, në mbledhjen e ditës së sotme miratoi projektvendimin “Për shpalljen e rezultatit përfundimtar të zgjedhjeve për Kuvendin e Shqipërisë të datës 25 Qershor 2017”.
Në unanimitet me 7 vota pro dhe asnjë kundër anëtarët e KQZ-së miratuan sot tabela përmbledhëse dhe shpërndarjen e mandateve sipas qarqeve.
Përfaqësuesi ligjor i Partisë Demokratike, Ivi Kaso, tha se procesi ishte i blerë.
Ndërsa përfaqësuesi i Partisë Socialiste, Eridian Salianji i tha se Partia Demokratike e kishte vetë procesin nën kontroll.
Në këto zgjedhje votuan 46.77 % e qytetarëve me të drejtë vote.
“Vendimmarrja e sotme e KQZ-së mbyll një proces zgjedhor mjaft kompleks për shkak të rrethanave politike në vend, të cilat sollën ndryshimet ligjore në ligjin “Për partitë politike” dhe Kodin Penal tëRepublikës së Shqipërisë vetëm disa ditë para datës së zgjedhjeve, gjë e cila e vuri KQZ-në para vështirësive dhe sfidës së kohës së kufizuar që pati në gadishmëri për miratimin e akteve ligjore dhe përgatitjen e infrastrukturës zgjedhore,” deklaroi zëdhënësja e KQZ
Ishin 90 KZAZ-të dhe 5362 qendrat e votimit.
Procesi zgjedhor i 25 qershorit do të mbahet mend pasi si rrallë herë në historinë e proceseve zgjedhore, procesi i numërimit të votave përfundoi brenda 47 orëve.
Raporti Përfundimtar i OSCE/ODIHR do të jetë pjesë thelbësore e analizës së punës së KQZ, e cila do të vlerësojë nevojën për ndryshime dhe përmirësime, si të anës legjislative, kryesisht të Kodit Zgjedhor, ashtu edhe të anës organizative të vetë KQZ-së./tesheshi.com/
