Kryeministri i Maqedonisë së Veriut, Dimitar Kovaçevski, u bëri thirrje autoriteteve bullgare që të respektojnë vendimet e Gjykatës për të Drejtat e Njeriut në Strasburg, në lidhje me respektimin e të drejtave për “maqedonasit”, që siç tha, Bullgaria ende nuk i ka zbatuar. Këto të drejta ai i përmendi dhe për Greqinë.
“Gjithmonë kemi reaguar në raport me të gjithë qytetarët, të cilët në çdo shtet tjetër e përkufizojnë veten si maqedonas”, tha kryeministri i Maqedonisë së Veriut.
“Ka maqedonas pothuajse në të gjitha vendet e botës, ashtu siç ka maqedonas në SHBA, Gjermani, Zvicër, ashtu ka maqedonas në Bullgari dhe Greqi, pra njerëz që e përkufizojnë veten si maqedonas dhe kanë të gjitha të drejtat si të gjithë qytetarët që duhet ta shprehin lirisht dëshirën e tyre për vetëvendosje”, shtoi ai. /tesheshi.com/
