Vizita e ministrit të Jashtëm, Nikos Kotzias në Tiranë ka sjellë reagime nga partia çame, PDIU, e cila apelon kreun e Diplomacisë greke të kërkojë falje për krimet e kryera ndaj popullit çam.
Kryetari I PDIU-së, Shpëtim Idrizi tha se Qeveria shqiptare duhet të kërkojë drejtësinë dhe dinjitetin për 300.000 shtetas të saj, ish- shtetas grekë, për çështjen e pronave, të drejtën e rikthimit, të drejtën e shtetësisë dhe të drejtat e pakicave, që së bashku përbëjnë çështjen çame.
“E gjitha kjo mund të nisë nga një ndjesë, që çdo komb i madh ka thënë, për padrejtësitë që ka kryer. Ndjesa ndaj shqiptarëve të Çamërisë është e vonuar, por tani është momenti për t’u thënë”, thuhet në deklaratën e PDIU-së. /tesheshi/
