Kreu i diplomacisë greke, Nikos Kotzias mbërriti në Shkup në kuadër të negociatave të ethshme për t’i vënë kapak çështjes së emrit.
Ngjashëm si me Tiranën zyrtare, edhe Athina është përfshirë paralel në një operacion diplomatik me qeverinë Zaev për t’u dhënë fund mosmarrëveshjeve dhe hapur një kapitull të ri raportesh mes dy vendeve.
Por në Shkup ai u prit me protesta nacionaliste ku spikasnin parrullat: “Maqedonia është e maqedonasve”, “Ndal diskriminimit ndaj maqedonasve”, “Ndal holokaustit ndaj maqedonasve”, etj.
Deri më tani janë dhënë disa variante mbi emrin dhe të gjitha pritet të shqyrtohen në takimet që Kotzias do të ketë me krerët qeveritarë maqedonas. /tesheshi.com/
