Ish-ministri i Jashtëm grek Nikos Kotzias, është vlerësuar nga ish-homologu shqiptar Ditmir Bushati, si një mendje e shquar në diplomacinë e fqinjit jugor, me të cilin ai pati të bënte ngushtë gjatë kohë që drejtonte diplomacinë e Tiranës.
Në podcastin e Ditmir Bushatit “Public Square”, Kotzias foli për shumëçka në lidhje me raportet shqiptaro-greke, por mbi të gjitha i bëri një skaner zhvillimeve botërore.
“Perëndimi është në rënie”, konkludoi ai, duke iu frikësuar asaj që mund të vijë në një të ardhme, nëse, siç tha ai, “nëse nuk bëjmë gjë, nëse nuk ndryshojmë planin që kemi për të ardhmen, nëse nuk ëndërrojmë për këtë të ardhme, nëse nuk kemi asnjë vizion, dhe nëse nuk kemi fuqinë dhe shpirtin për të luftuar për këtë të ardhme e këtë vizion”
“Do të jemi në grup humbësit e mëdhenj të shekullit të njëzet e një”, tha ai. /tesheshi.com/
