Ministri maqedonas i punëve të Jashtme Nikolla Popovski, ftohet në Athinë nga homologu grek Nikos Kotzias, një vizitë e planifikuar për në muajin tetor të këtij viti. Lajmin e kanë bërë të ditur burime diplomatike për gazetën “Nova Makedonija”, sipas të cilave në këtë vizitë pritet të nisin bisedimet e drejtpërdrejta për zgjidhjen e çështjes së emrit.
Mediat në Maqedoni po spekulojnë se mund të bëhet fjalë për një ikje të përgjegjësisë nga ana e kryeministrit Gruevski, i cili sipas marrëveshjes politike të ndërmjetësuar nga ndërkombëtarët, jep dorëheqjen më 15 Dhjetor.
Sipas burimeve diplomatike, zhvillime ssa i takon konfliktit për emrin me Greqinë priten nga prilli i vitit të ardhshëm. Kryeministri i ri që do të zgjidhet më 15 janar do të ketë kështu përgjegjësinë për t’u përballur me problemin, e zgjatur në vite.
Kur Popovski të vizitojë Athinën në tetor të këtij viti, kjo do të jetë vizita e parë e një ministri maqedonas pas një kohe të gjatë. Deri tani vizita dhe takime në Athinë kanë realizuar vetëm ministrat shqiptarë në qeverinë e Maqedonisë. /tesheshi/
