Kreu i diplomacisë greke, Nikos Kotzias është treguar i sinqertë kur është deklaruar mbi natyrën e problemeve me disa shtete në rajon, ku veçoi Shqipërinë, Maqedoninë dhe Turqinë.
“Me Shqipërinë dhe Maqedoninë kemi probleme që lidhen me historinë, kulturën, trashëgiminë. Ndërsa me Turqinë problemet janë më ‘të ashpra’. Ato lidhen me interesat tona gjeopolitike dhe gjeostrategjike”, ka theksuar ministri i Jashëtm grek duke folur për një gazetë greke. Një ditë më parë ishte kolegu i tij, ministri i Mbrojtjes Kamenos që deklaroi se Greqia është në prag të një lufte me Turqinë.
E ndërsa Athina zyrtare është angazhuar së fundi për të mbyllur mosmarrëveshjet me Tiranën e Shkupin, është Ankaraja që e ka trazuar. Kjo, edhe pas vizitës së Erdogan në Greqi muaj më parë. /tesheshi.com/
