Nga Shkëlzen Rrecaj
Ministria e Financave e Republikës së Kosovës me anë të Udhëzimit Administrativ MF-NR 01/2017, i cili ka hyrë në fuqi nga data 1 korrik 2017, ndryshon formën dhe kriteret e rimbursimit të kuponëve fiskalë.
Administrata Tatimore e Kosovës (ATK) ka njoftuar qytetarët se në tremujorin e dytë të këtij viti(prill, maj, qershor 2017), do të zbatojë formën e re të aplikimit për rimbursim, pra do të funksionojë një mënyrë tjetër e shpërblimit të qytetarëve nga grumbullimin i kuponëve.
Forma e aplikimi do të jetë e njëjtë ashtu siç ka ekzistuar deri me tani, por vetëm forma e shpërblimit të qytetarëve do të ndryshojë.
Bazuar në këtë Udhëzim, vlera e rimbursimit është 10 për qind e vlerës së kuponëve fiskalë të plikos me një maksimum 100 euro.
Sipas ATK-së, në procesin e tërheqjes do të jenë tre Numra Potencialë Fitues, në qoftë se numri i përgjithshëm i fituesve është mbi 999 deri 4,500, por nëse numri i përgjithshëm i fituesve të tërhequr nga Numrat Potencialë Fitues është më i vogël se 1,000 atëherë duhet të tërhiqet edhe Numri Potencial Fitues shtesë deri në plotësimin e kushtit të paraparë.
Por, çdo Numër Potencial Fitues i tërhequr ka në vete maksimum 1,500 fitues, në të kundërtën tërheqja përsëritet. Fituesit potencialë do të rimbursohen me dhjetë për qind të vlerës së deklaruar, por jo më shumë se 100€, numri minimal i kuponëve fiskalë të dorëzuar duhet të jetë 60 kuponë, me shumën minimale 250€.
Mirëpo, kjo mënyrë nuk po pritet mirë nga qytetarët, pasiqë forma e shpërblimit nuk do të jetë për të gjithë ata që mbledhin kuponë fiskalë, ku ka prej atyre të cilët më nuk do të jenë të gatshme të mbledhin kuponë.
Qytetari Arsim Hasanaj i pyetur nga tesheshi.com se a do tëvazhdon të mbledh kuponë, ai shkurt ka thënë se “kjo formë me ka demotivuar që unë të vazhdojë të marrë pjesë në këtë formë të rimbursimit, por ai nuk e mohon se do të vazhdon t’i mbledhë kuponët fiskalë”.
Qytetarja Valbona Ajeti, thotë se kjo formë nuk është aspak e mirëpritur për faktin se edhe ne si qytetar për t’i ndihmuar shtetit po hasim nëvështirësinë marrjen e kuponit fiskal.
“Pasi unë po mundohem të kontribuoj në arkën e shtetit, atëherë kjo formë e rimbursimit nuk është motivuese për shpërblimin e qytetarit”, thotë Ajeti për tesheshi.com.
Njohësi i çështjeve fiskale Albert Spahiu, në një prononcim për tesheshi.com thotë se forma e deritashme e rimbursimit ka sjellë një angazhim të qytetarëve që t’i mbledhin kuponët fiskal dhe për këtë ka dhënë një efekt të madh të vetëdijesimit që të kërkohet kuponi.
“Forma e re qëë shtë paralajmëruar nga ATK, mund të mos jetë e pranuar për të gjithë qytetarët pasiqë jo të gjithë do të shpërblehen, mirëpo prapëseprapë qytetari duhet që ta kërkoj kuponin fiskal ku me këtë do të kontribuon në arkën e shtetit”, thotë Spahiu.
Deri me tani Administrata Tatimore ka pranuar mbinjë milion pliko dhe ka rimbursuarmbi 28 milionë euro. Kampanja për shpërblimin e kuponëve fiskalë ka filluar në korrik të vitit 2015. /tesheshi.com
