Për çdo njeri që është përpjekur të vrapojë për shëndetin e tij përmes smogut të qyteteve, ndikimet energji-thithëse të ndotjes së ajrit nuk janë aspak të panjohura. Por ndotja e ajrit nuk ngadalëson vetëm vrapuesit, ndikon edhe tek punonjësit e tek ekonomia.
Kërkimet nga universiteti Tom Chang i Kalifornisë së Jugut dhe kolegëve të tjerë, gjetën se paketuesit e dardhave që punonin në mjedis të mbyllur ngadalësoheshin në punën e tyre nga ndotja e ajrit, madje edhe pse të eskpozuar në nivele shumë më të ulëta nga standardet e pranueshme aktuale që janë vendosur për këtë kriter.
Nga ky studim, lindi një pyetje tjetër: a mund që edhe punonjësit e zyrave që punojnë brenda gjithashtu të ngadalësohen në punën e tyre nga cilësia e keqe e ajrit?
Në një studim të dytë, Chang dhe kolegët e tij studiuan fenomenin në Kinë, ku ndotja e ajrit është një problem madhor. Kina publikon një indeks të përditshëm të ndotjes së ajrit – të cilit i referohet si indeksi i cilësisë së ajrot – e që klasifikon cilësinë e ajrit bazuar në rreziqet që përfaqëson për shëndetin.
Çdo shifër sipër 100 është lajm i keq. Në Shangai, indeksi arrin periodikisht shifrën 150, duke vendosur këdo në rrezik për shëndetin. Për të përcaktuar lidhjen midis produktivitetit dhe ndotjes së ajrit, autorët e studimit u fokusuan tek punonjësit e zyrave në dy qendra telefonike në Shangai dhe Nantong, ku produktiviteti mund të matet duke numëruar numrin e telefonatave që punonjësit menaxhojnë në një ditë.
Ajo që ata zbuluan nuk ishte e mirë. Në ditët me ndotje më të lartë të ajrit, punonjësit shpenzonin më shumë kohë duke bërë pushime të shkurtra dhe përfundonin më pak telefonata. Mesatarisht, një 10 për qind rritje në indeksin e ndotjes së ajrit shoqërohej me 0.35 për qind rënie në numrin e telefonatave të përpunuara në ditë.
Një gjë e tillë mund të llogaritet shpejt më gjerë: punonjësit në qendrat e telefonatave të studiuara përbëjnë 6 për qind më shumë produktivë në ditët me ndotje të ulët të ajrit sesa në ditët kur ndotja është e lartë.
Fajtori i mundshëm për punonjësit e zyrave janë njësitë e materies në ajër, që mund të hyjnë brenda ndërtesave lehtësisht përmes dritareve dhe ventilimit. Më të voglat e këtyre njësive hyjnë në qarkullimin e gjakut dhe në sistemin nervor qendror, duke ndikuar tek përqëndrimi dhe performance mendore.
Aktiviteti në sektorin e shërbimit, pjesa më e madhe e të cilit zhvillohet në zyra në qytete të ndotura, llogaritet për 68.5 për qind të GDP-së botërore. Chang dhe kolegët e tij thonë se një reduktim në indeksin e ndotjes së ajrit në Kinë me vetëm 10 pikë mund të nxisë rezultatin e punës në këtë vend me të paktën 15 miliardë juenë në vit.
Ndikimet dëmtuese të njësive të pluhurit në ajër mund të jenë edhe më të mëdha në profesione që kërkojnë më shumë përqëndrim dhe aftësi intelektuale – gjë që sugjeron se ndikimi i uljes së ndotjes së ajrit mund të jenë akoma edhe më të mëdha.
Efektet shtrihen sigurisht shumë më përtej Kinës: ndotja në Los Angeles tejkaloi parametrin prej 100 pikash në 90 ditë të vitit me një mesatare prej 21 pikësh. Nëse ndotja e ajrit do të kishte qenë më e ulët se 100 në të gjtiha këto ditë, sektori i shërbimeve mund të kishte pasur 374 milionë dollarë më shumë, sipas autorëve të studimit. Ajër më i pastër do të lejonte si punonjësit, si shefat e tyre të merrnin frymë lirisht.
Përgatiti: Juli Prifti – /tesheshi.com/
