Një romantik nga Britania e Madhe shkaktoi aksidentalisht një zjarr në një apartament pasi ndezi qindra qirinj për t’i propozuar një vajze.
Në një dhomë të mbushur me tullumbace, ai la qindra qirinj të ndezur ndërsa shkoi të merrte vajzën në prag të momentit të madh. E, kur çifti mbërriti në banesë, në Sheffield, zjarrfikësit ishin tashmë në rrugën e tyre.
Askush nuk u lëndua nga zjarri, ndërsa vaajza pranoi të martohej nën prushin e dashurisë me romantikun e pakujdesshëm.
Zjarrfikësit e Yorkshire ndanë foto nga vendi i ngjarjes pas zjarrit.
“Kjo ishte menduar të ishte një skenë e një propozimi romantik,” shkruajtën ata në Facebook, duke shtuar se qiramarrësi shkoi në qytet, por kur u kthye me vajzën – apartamenti ishte tashmë në zjarr.
“Fajtori? Ju mendoi se ndoshta priza. Për fat të mirë, zjarrfikësit tanë e zgjidhën shpejt zjarrin dhe askush nuk u lëndua. Dhe si një bonus, ajo tha ‘Po’”, shtuan ata, por gjithashtu paralajmëruan që qirinjtë mund të jenë të rrezikshëm.
“Ju lutemi fikni ato siç duhet kur të keni mbaruar, mos i vendosni pranë objekteve të ndezshme, siç janë perdet, dhe mos i lini qindra prej tyre pa kujdes.” /tesheshi.com/
