Kosova mund të ketë një tjetër festë zyrtare, atë të komunitetin egjiptian. Komisioni për të Drejtat dhe Interesat e Komuniteteve dhe Kthim, ka miratuar propozimin për ndryshimin dhe plotësimin e Ligjit për festat zyrtare në Kosovë, ku u kërkua që këtij ligji t’i shtohet dhe festa e 24 qershorit, Dita Memoriale e komunitetit egjiptian.
Veton Berisha, anëtar i komisionit nga radhët e komunitetit egjiptian, tha se kjo ditë nuk do të jetë ditë feste, por do të jetë një ditë përkujtuese.
Ndryshe, pas miratimit të ndryshimit dhe plotësimit të ligjit për festat zyrtare në Kosovë, ky ligji pritet të shkojë në shqyrtim të parë në Kuvend.
Kujtojmë se aktualisht në kalendarin e festave zyrtare në Kosovë janë gjithsej njëmbëdhjetë festa, duke përfshirë edhe Ditën e Evropës, një festë që nuk e kremtojnë as shtetet që janë pjesë e BE-së. /tesheshi.com/
