Javën e ardhshme, politikën kosovare e pret një tjetër betejë, ajo për Presidentin e ri. Kjo pasi qeveria vendosi që javën e ardhshme të procedohet për zgjedhjen e pasardhësit të Jahjagës.
Ndërkohë që dhe kryeparlamentari Veseli tha se Presidenti do të zgjidhet brenda shkurtit, pavarësisht se afati kushtetuese është deri më 7 mars.
Kandidat kryesor dhe i vetëm deri më tani është Hashim Thaçi, kreu i PDK-së, e njëherësh z/kryeministër dhe ministër i jashtëm.
Të bërit e tij president, ka qenë pjesë e marrëveshjes bashkëqeverisëse me LDK-në, ku ai i dorëzoi postin e kryeministrit Isa Mustafës në këmbim të hipjes në krye të shtetit.
Por opozita kosovare thotë se nuk do e pranojë kurrë Thaçin president, dhe se do ndërmarrë çdo aksion politik që mos jetë ai pasardhësi i Jajhagës.
Ndërkohë, edhe ndërkombëtarët janë treguar të rezervuar deri më tani për ta mbështetur ose jo emrin e Thaçit. Pra, qëndrimi i tyre nuk dihet ende se cili është. /tesheshi.com/
