Në Merdare, afër kufirit Kosovë – Serbi, me rastin e Ditës Ndërkombëtare për Personat e Zhdukur, u përurua edhe një përmendore në shenjë nderimi për 1666 të pagjeturit, të cilët janë të zhdukur që nga lufta e vitit 1999.
Sipas kryetarit të Komisionit Qeveritar për Persona të Zhdukur, Prenk Gjetaj, përkujtimi i të zhdukurve nuk ndihmon asgjë për gjetjen e tyre, madje as përmendorja, por siç tha ai, kjo ndihmon për t’i treguar botës për këtë ankth që ende e ka Kosova.
Dhe jo më kot përmendorja u vendos në Merdare, pasi adresa për kërkimin e të pagjeturve konsiderohet kufiri me Serbinë. /tesheshi.com/
