Forcat speciale të policisë në Kosovë kanë arrestuar mëngjesin e kësaj të premteje katër persona të kombësisë sërbe në pjesën veriore të Mitrovicës, në kuadër të hetimeve për vrasjen e Oliver Ivanoviçit, siç ka konfirmoi edhe zëdhënësi i policies, Daut Hoxhaj.
Sipas tij, bastisja është kryer në katër vende, sipas urdhrit të gjykatës kompetente.
Përfaqësuesit e serbëve të Kosovës kanë deklaruar se të arrestuarit janë: polici Dragisha Markovic, i cili ka punuar në hetimin e vrasjes së Ivanoviçit, si dhe Sasa Curçiç, Marko Rosiç dhe Nedeljko Spasojeviç.
Autoritetet lokale kanë konfirmuar se një numër i madh serbësh po mblidhen në rrugët e Mitrovicës për shkak të arrestimeve.
Ndërkohë, protestat janë planifikuar për në orët e pasdites në zonat me shumicë serbe në Kosovë, për shkak të futjes së tarifave për importimin e mallrave nga Serbia dhe Bosnja.
Arrestimet vijnë një ditë pasi presidenti Vuçiç deklaroi se forca special të Kosovës po msyjnë Veriun, apo se po “tregojnë muskujt” duke patrulluar në liqenin e Gazivodës.
Situata është acaruar ditët e fundit, pasi Kosova dështoi të anëtarësohej në Interpol për shkak të kundërshtisë së ashpër serbe. E si shpagim, morri një goditje ekonomike duke u taksuar me 100 përqind për çdo mall të futur në Kosovë. /tesheshi.com/
