Në dialogun mes Kosovës dhe Serbisë, Presidenti Hashim Thaçi kërkon një angazhim direkt të Shteteve të Bashkuara të Amerikës.
Bekim Çollaku, shefi i kabinetit të presidentit të Kosovës tha se për momentin asgjë nuk ka ndryshuar sa i përket rolit ndërmjetësues apo lehtësues,pra, vazhdon të mbetet BE-ja. Mirëpo, shtoi ai, ne kemi kërkuar që në këtë fazë të ndjeshme përfundimtare të përfshihen në mënyrë direkte edhe SHBA-ja.
Nëse në proçes do të përfshihen edhe shtete të tjera, si Rusia apo Gjermania, Çollaku shprehet se nuk mund të paragjykojmë përfshirjen apo mospërfshirjen e Rusisë apo të ndonjë shteti tjetër në këtë proçes, por nëse do të ndodhë apo jo mbetet të shihet.
“Kjo në masë të madhe do të varet nga rëndësia dhe implikimet e këtij proçesi në arenën ndërkombëtare”, thekson ai. /tesheshi.com/
