Policia ka identifikuar tre persona si të dyshuar për sulmin ndaj drejtorit të burgjeve të Kosovës, Sokol Zogajt, pas hetimeve të zhvilluara në koordinim me Prokurorinë Themelore në Prishtinë.
Sipas policisë, është lokalizuar dhe sekuestruar vetura Golf IV me targa lokale e cila dyshohet se u përdor nga dhunuesit.
Një ditë më parë me urdhër të Gjykatës Themelore në Prishtinë janë realizuar tri kontrolle të ndryshme për kapjen e personave të dyshuar, por pa rezultat.
Zogaj u rrah pranë banesës së tij, ndërsa po shkonte në punë. /tesheshi.com/
