Të enjten, në Klinikën e Urologjisë në Qendrën Klinike Universitare të Kosovës (QKUK) është kryer një operacion kirurgjik ndër më të komplikuarit dhe më sfiduesit në këtë fushë. Kirurgu Fahredin Veselaj ka njoftuar se ky operacion është kryer me sukses, duke treguar edhe detaje nga ky operacion.
“Sot, në Klinikën e Urologjisë në QKUK, bashkë me ekipin tim të urologëve dhe anesteziologëve, e realizuam një nga operacionet më të komplikuara në trupin e njeriut. Heqjen e fshikzës urinare dhe prostatës me kancer dhe formimi i një rezervuari të ri të urinës nga zorrët e pacientit. Komplimente për ekipën e “Luanëve”! Ishin perfekt! Pacientit i dëshirojmë rehabilitim të shpejt”, ka shkruar kirurgu Veselaj.
Në këtë klinikë edhe në të kaluarën janë kryer operacione kirurgjike të komplikuara me sukses nga stafi i kësaj klinike. Gjithashtu në QKUK edhe Klinika e Neurokirurgjisë njihet për realizmin e operacioneve kirurgjike mjaftë sfiduese, sidomos atyre në tru. /tesheshi.com/
