Qindra qytetarë janë punësuar në komunat e Kosovës me kontrata të veçanta pa përfillur procedurat e parapara me ligj për rekrutimin e punonjësve të rinj.
Për pagat e tyre, çdo vit nga buxheti i shtetit shpenzohen miliona euro. Në bazë të të dhënave të auditit shihet qartë se komuna e Prishtinës kryeson dukshëm me numër të punonjësve me kontrata të veçanta në raport me pjesën tjetër të Kosovës.
Gjatë auditimit të pasqyrave financiare për vitin 2016, është zbuluar se në këtë komunë janë angazhuar 210 zyrtarë me kontratë për shërbime të veçanta, që paraqet një numër të reduktuar nga viti i kaluar (276), shkruan gazeta “Zëri”.
Pas Prishtinës, renditet komuna e Ferizajt, pastaj ajo e Gjilanit, e Kamenicës e kështu me radhë.
Sipas auditit, në rastin e përzgjedhjes së këtyre individëve nuk është zbatuar procedura e rekrutimit. /tesheshi.com/
