Qeveria austriake ua zgjati mandatin ushtarëve të saj në misionet ndërkombëtare paqeruajtëse jashtë vendit deri në fund të vitit të ardhshëm, përfshirë edhe për ata në Ballkan.
Mandati është zgjeruar për të marrë pjesë në misionet në Kosovë, Bosnje dhe Liban, tre në të cilat ushtria austriake ka një prani të madhe.
Aktualisht, sipas Ministrisë së Mbrojtjes, në misionin e KFOR-it janë 430 ushtarë austriakë në Kosovë, rreth 300 në misionin BE-Althea në Bosnje, si dhe 175 ushtarë në misionin UNIFIL në Liban.
Sipas vendimit të qeverisë, deri në 600 ushtarë mund të dërgohen në misionet në Kosovë, dhe në Bosnje deri në 400.
Në rast nevoje, kontigjenti i ushtrisë austriake mund të rritet deri në 250 ushtarë.
Sipas vendimit të qeverisë, mandati është shtrirë dhe për anëtarët e misionit paqeruajtës në Qipro, ku Austria përfaqësohet nga deri në tetë anëtarë, si dhe në misionin e stabilizimit në Mali – MINUSMA, ku janë caktuar deri në 15 ushtarë.
Mandati i anëtarëve të ushtrisë austriake në Misionin Vëzhgues të OESC në Ukrainë, është zgjeruar gjithashtu me 20 ushtarë të pranishëm. /tesheshi.com/
