Polica e Kosovës ka njoftuar se gjatë natës së mbrëmshme ka kryer një operacion bastisjesh në rajonin e Mitrovicës, Prishtinës dhe Pejës në disa lokale kazinosh dhe lojërash fati, i cili ka përfunduar me arrestimin e 17 personave.
Në një konferencë për media, zyrtarët policorë kanë thënë se të arrestuarit dyshohen për veprimtari ilegale dhe trafikim me njerëz.
Sipas tyre, në këtë operacion janë konfiskuar pajisje me të cilat me mënyre ilegale kanë ushtruar funksionin , përfshirë edhe atë të kazinove dhe lojërave tjera të fatit, pajisje tjera elektronike dhe te lojërave të fatit.
Arben Paçarizi nga Drejtoria për trafikim me qenie njerëzore në Policinë e Kosovës, tha se rasti në rajonin e Mitrovicës ka nisur duke u hetuar para dy muajve me ç’rast është identifikuar edhe një viktimë e trafikimit te njerëzve. /tesheshi.com/
