LDK-ja e kryeministrit Mustafa është dorëzuar ndaj kërkesave të PDK-së së Veselit për buxhetin 2017-të dhe të dy partitë në pushtet janë pajtuar që në seancën e të enjtes ta kalojnë në dy lexime projektligjin më të rëndësishëm të shtetit.
Burime të portalit tesheshi.com brenda koalicionit qeverisës kanë konfirmuar arritjen e marrëveshjes.
“Sapo përfundoi takimi dhe përfundimisht LDK-ja ka pranuar kërkesat e PDK-së për disa ndryshime në buxhet. Pra, sot buxheti pas debatit që pritet të bëhet do të kaloi në të dy leximet”, ka thënë burimi.
PDK me javë të tëra e ka kundërshtuar projektligjin dhe është përfolur që kjo edhe mund ta prishë koalicionin, për shkak se mënyra se si ishte hartuar buxheti nuk i ka pëlqyer PDK-së dhe kjo ka bërë siç duket në fund të dorëzohet Mustafa dhe t’i plotësojë të gjitha ndërhyrjet e PDK-së. /tesheshi.com/
