Policia e Kosovës ka arrestuar katër persona të akuzuar për vrasjen e dy zyrtarëve të policisë më mars të vitit 2004.
Gjatë këtij operacioni morën pjesë 35 zyrtarë policorë ndërkombëtarë dhe 100 efektivë nga Kosova, të cilët ishin vënë në kërkim të 7-të personave të dyshuar.
Në 23 mars të vitit 2004, Arsim Rustolli, pjesëtar i Shërbimit Policor të Kosovës dhe polici nga Gana, Kojo Essuman, i cili shërbente në Misionin e Kombeve të Bashkuara u vranë teksa ishin duke patrulluar bashkë në një fshat të komunës së Podujevës, në veri të Prishtinës.
Pa dhënë shumë detaje të tjera, Prokuroria e Posaçme në Kosovë ka bërë me dije se gjatë këtij operacioni të gjerë, janë arrestuar disa persona ndërkohë që një tjetër pritet të ekstradohet nga jashtë shtetit.
Në lidhje më këtë vrasje u arrestuan 13 persona, ku 12 prej tyre janë lënë të lirë në mungesë provash dhe njëri është dënuar që prej vitit 2007 me 30 vjet heqje lirie. /tesheshi.com/
