Përkundër aspektit idilik me sfond patriotik, ka prej atyre kosovarëve që jetojnë në Shqipëri të cilët ndihen si emigrantë në vendin e tyre.
I tillë është Hekuran Dylazeka nga Gjakova, i cili prej vitit 2008 jeton në Tiranë. Ama nuk ka ende pasaportë shqiptare, gjë që ia ka vështirësuar jo punët.
Ai foli për Euronews Albania, duke treguar përvojën e tij në Shqipëri, me të cilën është lidhur që fëmijë.
“Po bëj rreth 13 vite në Tiranë, kam ardhur si student. Ka kaluar goxha kohë.
“Tirana për mua kishte një lidhje emocionale sepse edhe gjatë luftës klasën e tretë e bëra këtu dhe ishte gjithmonë në ëndrrat e mia që një ditë do kthehem”, tha Hekuran Dylezaka, i cili vërtet u kthye dhe prej vitesh është një banor i Shqipërisë, ama jo zyrtarisht shtetas i saj.
“Përshtatja nuk ka qenë e vështirë”, thotë ai. Dhe kjo është mëse kuptueshme, por pjesa më e vështirë ka qenë pajisja me dokumente, pasi ai ende nuk ka marrë pasaportën shqiptare.
Prej 4 vitesh ai ka edhe biznesin e tij në Tiranë, por për shkak të mungesës së dokumenteve, është përballur me një sërë problemesh, shkruan Euronews Albania.
“Nuk mund të hapja nja llogari në banke, nuk merrja dot një ambient me qira”, tha z. Dylazeka.
Kanë kaluar vite që kur ka bërë aplikimin për t’u pajisur me pasaportë, por Hekurani ende nuk e di kur do ta ketë dokument bazë në dorë, që do e vuloste dhe si shtetas të Shqipërisë, duke qenë de fakto i tillë prej vitesh. /tesheshi.com/
