Incidente u shënuan sot pasi me qindra banorëtë fshatit Mushisht në Suharekë, dolën në rrugë për të kundërshtuar rikthimin në fshat të një grupi serbësh, ish-banorë të atyshëm.
Ata nuk e kanë lejuar hyrjen e serbëve me pretendimin se duhet kërkuar fillimisht zbardhja e vrasjeve në fshat dhe sjellja para drejtësisë të atyre që kryen këto vrasje. Kjo bëri që forcat speciale të Policisë së Kosovës të ndërhyjnë forcërisht, duke shkaktuar dhe disa të lënduar.
Banorët shqiptarë thanë se serbët nuk duhet të shkojne atje pa kërkuar më parë falje për krimet e bëra ndaj tyre si popullatë civile.
Ministri për Komunitete dhe Kthim i qeverisë së Kosovës, Dalibor Jevtiq, reagoi menjëherë duke thënë se përmes këtij veprimi po dërgohet mesazhi se serbët nuk janë të mirëpritur.
Ndërsa nga ana tjetër, ministri i Financave, Avdullah Hoti doli krah protestës duke u shprehur se krimet e kryera ndaj shqiptarëve duhet të zbardhen. /tesheshi.com/
