Kosova pësoi humbjen e 7 rradhazi në ndeshjet e luajtura për kualifikueset e Botërorit “Rusi 2018”.
Përballë Finlandës, Kosova humbi 1-0 në takimin e luajtur në “Loro Boriçi” në Shkodër.
Kosova ka mundur të marrë vetëm 1 pikë në grupin I, duke u renditur në vendin e fundit, ndërkohë që Finlanda me këtë fitore arriti kuotën e 7 pikëve.
Takimi ka pasur shumë pak raste shënimi, ku mund të veçohet ai i minutës së 55-të kur Valon Berisha për pak shënoi, por topi u ndal nga portieri Hradecky.
Në periudhën e parë të lojës, Finlanda pati dy gjysmëraste. Në minutën e e 18-të mbrojtja e Kosovës nuk u tregua e kujdesshme, ku finlandezët përfituan, por për fat të mirë Lod gjuajti jashtë portës.
Pas dhjetë minutave (28′) futbollisti Lam pranë 16-shit, realizoi një gjuajtje të fortë, por për fat të Ujkanit topi kaloi mbi traversë.
Në minutën e 83-të, Pukki shfrytëzoi një pakujdesi të mbrojtjes kosovare, dhe nga afërsia mposhti portierin Ujkani, 0:1. /tesheshi.com/
