Italia ka shprehur një interes të veçantë për të investuar në territorin e Kosovës. Lajmi u konfirmua nga vetë ambasadori italian në Kosovë Piero Cristofoto Sardi, gjatë një takimi të zhvilluar me ministrin e Infrastrukturës, Lufti Zharku. Pjesë e bisedimeve ishte edhe zëvendësambasadori italian, Matteo Corradini. Ata kanë diskutuar për marrëveshjet bilaterale ende të panënshkruara dhe për interesimin e disa kompanive italiane për të investuar në Kosovë.
Ministri Zharku kërkoi rritjen e kontigjentit të lejeve të transportit, deri kur të aprovohet kjo marrëveshje.
Po ashtu, ambasadori italian i ka shprehur ministrit Zharku interesimin se disa kompani italiane, duan të investojnë në sektorin e infrastrukturës hekurudhore në Kosovë.
Pak ditë më parë, edhe ministrja e Ekonomisë së Shqipërisë, Milva Ekonomi u njoh me një numër të konsiderueshëm sipërmarrësish shqiptar, të cilët e kanë vlerësuar Kosovën si një territor mjaft të favorshëm për të bërë biznes. Një investim ky që për kosovarët është përkthyer në mbi 1 mijë vende pune./tesheshi.com/
