Në zgjedhjet e parakohshme parlamentare, të cilat do të mbahen sot në Kosovë, të drejtë vote kanë 1.794.862 votues, të cilët do të mund të votojnë në 888 vendvotime, me gjithsej 2.382 vendvotime.
28 subjekte politike, 21 parti politike, dy koalicione dhe 5 nisma qytetare do të marrin pjesë në zgjedhje.
Një total prej 1,079 kandidatësh janë regjistruar për 120 vende në parlamentin e Kosovës.
Këto janë zgjedhjet e para parlamentare në të cilat OSBE nuk do të marrë pjesë ose “asistojë”, siç ishte deri para dy vitesh.
Kjo është njëra prej të veçantave të këtyre zgjedhjeve. Tjetra është data e tyre – 14 shkurti, Shën Valentini, që ka shërbyer dhe si një simbolike politike nga disa forca.
Dhe tjetra: fituesi pothuajse dihet, që është Vetëvendosje, pra Albin Kurti, me në krah Vjosa Osmanin, në një partneritet mes tyre.
Shërbimi Policor i Kosovës njoftoi se një plan i veçantë operacional do të zbatohet në mënyrë që të parandalojë çdo prishje të rendit dhe paqes publike.
Thirrja e zgjedhjeve të parakohshme parlamentare erdhi pasi Gjykata Kushtetuese e Kosovës më 6 janar nxori një vendim të plotë duke sfiduar legjitimitetin e qeverisë së Kosovës.
Gjykata Kushtetuese vendosi që vota e deputetit Etem Arifi nga Partia Ashkali ishte e pavlefshme, sepse ai u dënua me një vit e tre muaj burg për përvetësim subvencionesh kur votoi për zgjedhjen e qeverisë.
Qeveria e Hotit u zgjodh më 3 qershor me mbështetjen e 61 deputetëve, saktësisht aq vota sa duheshin për zgjedhjen e saj. /tesheshi.com/
