Qeveria e Isa Mustafës ka shprehur e para gadishmërinë për t’i ofruar ndihmë Shkupit pas përmbytjeve me pasoja tragjike, ku deri më tani thuhet se janë 20 të vdekur.
Më konkretisht, qeveria kosovare ka premtuar të dërgojë po të jetë nevoja edhe njësitet e kërkim-shpëtimit të FSK-së, për të gjetur të tjerë viktima të mundshme nën baltë e ujë
“Qeveria e Kosovës shpreh gatishmërinë e plotë që të ofrojë ndihmën e saj të pakursyer për shtetin fqinj Maqedoninë, në çdo aspekt ku ka mundësi, për tejkalimin sa më të shpejtë të situatës së krijuar”, thuhet në një deklaratë të qeverisë së Kosovës. /tesheshi.com/
