Kryeminsitri Rama u tregua sërish gjuhëashpër ndaj BE-së për mosliberalizimin e vizave me Kosovën, duke e quajtur një turp.
Mosliberalizimi është një turp për Bashkimin Europian. Një turp i pashlyeshëm. Jo për arsye se Kosova nuk ka bërë detyrat por për arsye se ajo është marrë peng i dinamikave të brendshme, i logjikës elektorale në vendet e ndryshme të Bashkimit Europian.
Kam folur pa pushim për këtë temë me ata që kam takuar në Europë. Nuk arrij ta kuptoj.
Kosova e paguan me mosliberalizimin e vizave. Rajoni e paguan në tërësi. Kjo është arsyeja pse unë jam i bindur se bashkëpunimi rajonal, zgjerimi i tregjeve dhe integrimi në rajon nuk sjell asgjë të keqe por sjell më shumë ekonomi dhe punësim, për zgjidhjen përfundimtare të njohjes së Kosovës nga Serbia”, tha Rama.
Por Hoti nuk ka qenë dakort me këtë qasje.
“Janë marrë vendime jo populiste, por të nevojshme për të dhënë mesazhin që duhet të shihemi si kontribues që paqes në rajon.
Mbetemi vendi i vetëm pa liberalizim të vizave, që mos e shajmë shumë BE-së, por të mbajtë të plotësuara kriteret”, tha Hoti ndër të tjera.
Komentet e tyre u bënë në kuadër të mbledhjes së radhës së dy qeverive. /tesheshi.com/
