Kosova dhe Izraeli vendosën marrëdhënie diplomatike, e përkthyer si njohje e ndërsjelltë e njëra-tjetrës.
Ishte ky një zbatim i asaj çfarë u nënshkruar në Uashington nën praninën e ish-presidentit Trump mes Hotit dhe Vuçiçit.
Akti u realizua në një ceremoni virtuale.
“Sot, Izraeli bëhet shteti i 117 që e njeh Republikën e Kosovës si shtet të pavarur dhe sovran”, tha ministrja e Jashtme Meliza Haradinaj-Stublla.
“Sot po bëjmë histori”, tha ministri i Jashtëm izraelit Gabi Ashkenazi.
“Po vendosim marrëdhënie diplomatike ndërmjet Izraelit dhe Kosovës, një moment që është pritur nga shumëkush. Kjo është hera e parë që marrëdhëniet diplomatike po vendosen përmes Zoom-it. Sot ne kemi mundësi që të rrisim bashkëpunimin me popullin e Kosovës, me të cilin kemi marrëdhënie të ngrohta dhe miqësore”, tha ai.
Nga ana tjetër, Kosova e njeh Jeruzalemin si kryeqytet të Izraelit, sipas mediave izraelite.
Media izraelite thotë se Kosova do të hapë një ambasadë në Jeruzalem në të ardhmen dhe do të jetë vendi i tretë që e bën këtë, pas Shteteve të Bashkuara dhe Guatemalës. /tesheshi.com/
