Ministri i Jashtëm serb, Ivica Daçiç akuzoi Kosovën për vandalizim të monumenteve të trashëgimisë kulturore e historike, ndërsa foli në takimin e OKB-së në Nju Jork. Duke nxjerrë këtë arsye, sipas tij, Kosova nuk duhet të anëtarësohet në UNESCO.
“Në hapësirat e Kosovës, 236 kisha, manastire dhe objekte të tjera në pronësi të kishës Ortodokse Serbe, si dhe monumente kulturore-historike, kanë qenë shënjestër e sulmeve”, ka thënë Daçiç, sipas asaj që citojnë mediat serbe në Beograd.
Aplikimi i Kosovës për të qenë pjesë e UNESCO-s tashmë është në axhendën e e këshillit ekzekutiv dhe pritet që të votohet shpejt. Autoritetet në Prishtinë presin që këshilli të japë rekomandim pozitiv për anëtarësimin.
Komentet e Daçiç në OKB vijnë në kuadër të një fushate të ashpër diplomatike që Beogradi ka ndërmarrë për të penguar anëtarësimin e Kosovës në UNESCO, por edhe në organizata të tjera ndërkombëtare. /tesheshi.com/
