Në samitin e Asamblesë Parlamentare të NATO-s që ka nisur dje në Tiranë, merr pjesë edhe një delegacion nga Kosova, i drejtuar nga nënkryetari i Kuvendit, Xhavit Haliti.
Haliti drejton delegacionin e Kuvendit të Kosovës në Asamblenë Parlamentare të NATO-s, ku shpesh herë ka diskutuar, dhënë mendime dhe ide për shtimin e masave të sigurisë në Kosovë, rajon dhe më gjerë.
Me angazhimin e tij, Kuvendi i Kosovës në vitin 2014 ka marrë statusin e vëzhguesit në Asamblenë Parlamentare të NATO-s.
Pas lobimit të Prishtinës zyrtare dhe delegacionit që drejton Xhavit Haliti, Samiti i NATO-s në tetor të këtij viti do të mbahet në Kosovë.
Kjo vlerësohet si arritja më e madhe politike e Kosovës dhe Shqipërisë në raport me NATO-n.
Siç bën të ditur zyra e shtypit e Kuvendit të Kosovës, “Haliti, në bashkëpunim me delegacione të shumta nga vendet mike të shtetit të Kosovës, vazhdon të angazhohet që edhe Kosova të bëhet pjesë e Asamblesë Parlamentare të NATO-s me të drejta të plota”.
Në Samitin e NATO-s në Tiranë ndër të tjera po diskutohet për: Sigurinë globale, përfshirë atë rajonale; roli i NATO-s në Afganistan; çështja e Ukrahinës dhe Kinës; lufta kundër terrorizmit, me theks të veçantë kundër ISIS-it etj.
/tesheshi.com/
