Rihapja e xhamive në Kosova do të merret në konsideratë që nga data 18 maj e tutje, gjë që përkon dhe me kohën kur dhe në Shqipëri do të rinisë hapja. Kjo u deklaruar nga Kryeimami Sabri Bajgora, i cili nuk pranoi që për këtë proces të referohej jashtë Kosovës.
“Ne si BIK ende nuk kemi marrë ndonjë vendim për hapjen e xhamive dhe çdo vendim që do ta marrim do të jetë në koordinim të plotë me MSH dhe IKSHP. Fundja, prioritet i BIK në radhë të parë është shëndeti i qytetarëve. Pastaj secili shtet i ka specifikat e veta, kështu që ne presim që kthimi në xhamia të bëhet në mënyrë graduale dhe të kujdesshme prej datës 18 maj”, tha Bajgora në një prononcim për Telegrafin.
Kujtojmë se ndryshe nga Shqipëria ku janë shfaqur zëra të ashpër reagues për hapjen e xhamive, deri dhe me peticione drejtuar KMSH nga anëtarë brenda komunitetit të besimtarëve, në Kosovë pezullimi i faljes kolektive nuk është shoqëruar me debat. /tesheshi.com/
