Komisionerin i BE-për për Migrim, Çështje të Brendshme dhe Shtetësi, Dimitris Avramopoulos ka dhënë lajmin e shumëpritur se Kosova i ka përmbushur të gjitha kriteret për liberalizimin e vizave, e ku tha se kriteri më i rëndësishmi ka qenë ratifikimi i marrëveshjes së Demarkacionit me Malin e Zi.
Megjithatë, Avramopoulos në konferencën e përbashkët me Thaçin tha se fjalën fundit për këtë e kanë Parlamentit Evropian dhe Këshilli Evropian, duke mos pranuar të japë premtime si liderët kosovarë se vizat hiqen në fund të vitit.
“Rekomandimi pozitiv nuk garanton lëvizjen e lirë, por jemi shumë afër të arrijmë këtë. Lëvizja pa viza në BE tani varet nga Parlamenti Evropian dhe Këshilli Evropian. Ne e kemi bërë pjesën tonë dhe tani është përgjegjësi e institucioneve tjera. Sot nga këtu po i bëjë thirrje edhe KE edhe PE që të lëvizin sa më shpejtë dhe të ofrojnë lëvizje të lirë qytetarëve të Kosovës në BE. Mendoj se jemi shume afër”, tha ai.
Komisioneri i BE-së tha thënë se autoritetet në Kosovë duhet patjetër t`ju sqarojnë qytetarëve të vet se cilat janë rregullat e lëvizjes së lirë, përndryshe liberalizimi mund të suspendohet.
“Liberalizimi vjen me të drejta dhe obligime. Autoritetet ta tregojnë tek qytetarët e saj në mënyrë shumë të qartë, që të evitojnë abuzimin me lëvizjen e lirë. Nuk ka të bëjë vetëm me lëvizjen e lirë, ne kemi një atoritet të caktuat në BE dhe kjo ndihmon mbikëqyrjen e lëvizjes së lirë. Të gjithë qytetarët duhet t`i dinë të gjitha kriteret para se të nisen drejt këtij rrugëtimi. E kemi edhe mekanizmin për suspendimin e liberalizimit të vizave dhe ka të bëjë me vlerësimin e kritereve të caktuara nga BE, dhe kjo vlen edhe për Kosovën. Nga vizat do përfitojnë qytetarët e Kosovës që kanë të bëjnë me biznes apo turizëm, do të zgjerojë partneritetin me Kosovën”, tha ai.
Ndërsa presidenti Thaçi tha se rekomandimi pozitiv nga BE nuk është dhuratë për Kosovën, por është meritë për të cilën është punuar.
“Vendimi i sotëm i KE-së për të shpallur të përmbushur kriterin e fundit, është ndër lajmet më të mira që kanë pritur qytetarët e Kosovës me dekada. Kjo përbën një moment historik dhe një njohje të përpjekjeve shumëvjeçare për të integruar Kosovën në zemrën e Evropës”, tha Thaçi. /tesheshi.com/
