Kancelarja Angela Merkel ka ftuar në Berlin presidentinb serb Aleksandar Vuçiç, ku temë kryesore do të jetë Kosova. Siç dihet, Gjermania kërkon të mbajë rolin e lidershipit në Ballkan, duke u investuar në një projekt paqeje që do ketë si tutor Berlinin.
Ata u takuan në Davos, ku Vuçiç informoi gazetarët duke thënë se “biseda nuk ishte e thjeshtë”.
“Ne kemi një tjetër vështrim nga vendet që e kanë njohur Kosovën, por Merkeli vlerëson dëshirën tonë për të folur dhe për të arritur një kompromis”, tha Vuçiç.
Ai vuri në dukje se dëgjoi prej saj në mënyrë të përsëritur tezën se kompromisi është diçka që çon në rezultate të mira dhe se njerëzit duhet të përpiqen të bëjnë kompromis, “jo duke shkatërruar kundërshtarët”.
“Nëse do ta kuptojmë në Serbi apo jo, tashmë është një çështje tjetër”, tha presidenti serb.
Vuçiç tha se takimi ishte shumë i rëndësishëm.
“Unë kam mësuar shumë nga znj. Merkel”, tha Vuçiç. /tesheshi.com/
