Duket se xhudoja është kthyer në aktorin diplomatik më të fortë të Kosovës, duke e promovuar atë fort në arenën ndërkombëtare me rezultatet e larta në gara.
Kështu, Kosova ka marrë një tjetër medalje të artë në sportin e xhudos këtë herë në masterin e Hungarisë.
Ishte Laura Fazliu ajo që ngriti lart flamurin e Kosovës, në Budapest, për peshën deri në 63 kilogramë.
Në gjysmëfinale, xhudistja nga Kosova eliminoi japonezen Megumi Horikaëa, e cila ishte kampionia e vitit të kaluar.
Në finale, Fazliu u përballë me japonezen tjetër, Miku Takaichi, të cilët arriti ta fitonte me Ippon, pas një gare shumë të vështirë.
Një ditë më parë, Distria Krasniqi i solli Kosovës medaljen e argjendtë.
Vijnë këto medalje në radhën e sa e sa të tjerave në vite, në sportin e xhudos, ku Kosova po shkëlqen me elementin femëror. /tesheshi.com/
