Kuvendi i Kosovës, së bashku me Shoqatën “Miqtë e Amerikes”, nxënësit e shkollës së Mesme “Hivzi Sulejmani” në Fushë-Kosovë e shumë institucione të tjera kanë organizuar aktivitete në nderim të viktimave të 11 shtatorit 2001 në SHBA.
Kryetari i shoqatës “Miqtë e Amerikës”, Agim Rexhepi, tha se aktivitetet që do të mbahen sot përçojnë mesazhin e vetëm se populli i Kosovës dhe shqiptarët në përgjithësi janë pranë popullin amerikan jo vetëm në ditë të mira, por edhe në ditë të tilla të shënimit të një ngjarje tragjike.
Në këtë aktivitet mori pjesë edhe deputetja e PDK-së, Blerta Deliu-Kodra, e cila tha se do t’i qëndrojnë pranë gjithmonë Amerikës.
Ndërsa në mesditë në sheshin “Nëna Terezë”, u hap ekspozita me fotografi dedikuar ngjarjes së 11 shtatorit 2001, dhe fotografi nga aktivitetet e Shoqatës “Miqtë e Amerikës” që i dedikohen kësaj date.
Këtë ditë e kanë kujtuar edhe politikanët, si presidenti Thaçi, kryekuvendari Veseli e të tjerë. /tesheshi.com/
