Dita e sotme shënon përvjetorin e vdekjes së ish-kryeministrit të Kosovës Bajram Rexhepit, i cili shërbeu si kryeministri i parë i qeverisë së përkohshme të krijuar në periudhën e pas-luftës, në vitin 2002.
Me profesion kirurg, Rexhepi studioi për mjekësi në Zagreb, atëherë pjesë e Jugosllavisë. Me t’u kthyer në Kosovë, ai vazhdoi punën në spitale rajonale duke u bërë shumë shpejt i njohur si një nga kirurgët më të mirë të vendit.
Por hera e fundit që Bajram Rexhepi praktikoi punën e tij mjekësore ishte lufta. Ai ndihmoi UÇK-në në terren duke shëruar ushtarët e plagosur, e me të mbaruar ajo iu qas politikës dhe vetëm asaj.
Ai shërbeu si kryetar i komunës së Mitrovicës, lryeministër i përkohshëm, kryetar i PDK-së dhe Ministër i Punëve të Brendshme.
Ai ndërroi jetë nga një sëmundje malinje, pavarësisht kujdesit shëndetësor që e mori në Turqi. Ai la pas vetes bashkëshorten dhe një vajzë. /tesheshi.com/
