Nuk është rastësi politika globale. Nëse “të mëdhenjtë” duan t’i lëvizin gjërat, arrijnë t’i bëjnë.
Eurodeputetja socialdemokrate nga Sllovenia, Tanja Fajon është emëruar raportuese për të mbledhur faktet e dokumentit që do t’i çohet Komisionit Europian për liberalizimin e vizave mbi Kosovën.
Ky është një ogur i mire, pasi zonja Fajon e ka vërtetuar edhe në të shkuarën se ka një raport pozitiv për dhe me shqiptarët.
Në vitin 2011m, Tanja Fajon ishte në rolin e kreut të Komisionin për Shqipërinë dhe disa vendet e rajonit si dhe raportuese për çështjen e heqjes së vizave për Shqipërinë.
Edhe pse raportet e saj me qeverinë e zotit Sali Berisha nuk kanë qenë të mira, pasi disa media pranë tij e etiketuan edhe me fjalë fyese, ajo firmosi një raport për heqjen e vizave.
Dhe duhet thënë se ky eveniment dha një hop të rëndësishëm politik për qeverinë e asaj kohe në Shqipëri.
Por fundja rezultati ishte më i rëndësishëm se zgjatja e një qeverie. Shqiptarët lëvizin lirisht në vendet e Shengen dhe kanë harruar kush ka qenë apo është në qeveri.
Komisioni Europian tashmë ka dhënë rekomandimin formal për heqjen e vizave për Kosovën, me gjithë faktin se ka përmendur edhe dy kushte që duhet përmbushur.
Vendimin duhet ta marrë përbveç Këshillit të Bashkimit Europian, ku vendosin ministrat e brendshëm të vendeve anëtare me shumicë të kualifikuar, edhe Parlamenti Europian.
/tesheshi.com/
