Drejtësia kosovare ia ka prerë rrugën Babales drejt Shqipërisë, pas arrestimit të një dite më parë me kërkesë të Prokurorisë së Krimeve të Rënda në Tiranë. Gjykata në Prishtinë vendosi për lirimin e tij, duke marrë në konsideratë pretendimet e shtetasit nën akuzë për dëshmi të rreme, Albert Veliu, se në Shqipëri i rrezikohet jeta.
Për avokat, Babalja pati një prej me të njohurve të Kosovës, Tomë Gashin. Ka qenë ky i fundit që me shumë entuziazëm profesional, ka dhënë lajmin e lirimit duke e shoqëruar dhe me një foto relaksuese, prezent dhe i biri i Babales.
Në këtë mënyrë dosja nën hetim me emrin e tij, shndërruar tashmë në një thriller politik, do vështirësohet pa mundësine e marrjes në pyetje.
Shtetasi Albert Veliu ka kërkuar azil në Kosovë, që prej kur u largua nga Shqipëria në qershor, pas publikimit të një audio-përgjimi mes tij dhe…Opozita pretendon se me vëllanë e ministrit Xhafaj, por mazhoranca thotë se është e gjitha një sajesë dhe për këtë ka bërë kallzim penal për shpifje dhe dëshmi të rreme. /tesheshi.com/
