Njëri nga dëshmitarët kryesor të Masakrës së Rezallës sot ka ndërruar jetë.
Misin Deliu, i cili kishte dëshmuar në Prokurorinë Speciale lidhur me krimet e kryera në fshatin Rezallë në rajonin e Drenicës, ka ndërruar jetë, duke u shuar edhe një dëshmitar i rëndësishëm i krimeve serbe.
Deliu kishte gjetur forcën që pas luftës, me tri plagë në trup, të dëshmonte kundër gjeneralëve serb, Ljubisha Dikoviq dhe Dejan Rangjelloviq, për krimet që kishin kryer në masakrën e 5 prillit në Rezallë.
Rrëfimi i mbijetesës së Deliut, i cili kishte qenë në mesin e radhës së burrave për t’u pushkatuar, ka qenë i pranishëm edhe në emisione televizive.
Ndonëse javët e fundit është hapur debati për ndëshkimin e krimeve serbe në Kosovë, ka shqetësime se dëshmitarët e krimeve do të gjenden gjithnjë e më pak për shkak të vonesës së nismës, rrjedhimisht vdekjes së disa dëshmitarëve. /tesheshi.com/
