Kosova nuk pranohet në UNESCO për 3 vota. Edhe pse ka fituar një betejë në fillim duke rrëzur mocionin rus, ajo nuk e fitoi dot luftën kur Këshilli i UNESCO-s nuk e miratoi kërkesën për anëtarësimin e Kosovës në këtë institucion.
Pavarësisht se Kosova mori 92 vota pro, ajo nuk mundi të miratohej vetëm për tre vota, pasi duhej 2/3 e votave, pra 95.
Më herët këshilli i UNESCO-s votoi kundër kërkesës së Serbisë për të shtyrë kërkesën e anëtarësimit të Kosovës në këtë institucion, me 89 vota kundër kësaj kërkese, 59 pro dhe 22 abstenim.
Në debatin mbi kërkesën serbe u duk qartë ndarja Lindje-Perëndim.
Fuqitë e Mëdha kanë mbështetur kërkesën kosovare për anëtarësim, ndërsa Rusia është shprehur në mbështetje të Serbisë.
/tesheshi.com/
