Nga Blendi Gashi
Qeveria serbe dhe shërbimi i saj i sekret BIA, po përgjojnë aktualisht mbi 400 qytetarë të Kosovës të cilët vinë nga të gjitha sferat e jetës, që nga politika e deri tek personat e dyshuar se merren me krim. Kjo është tema më aktuale e ditëve të fundit që është ngritur nga portali mbarëkombëtar ‘Te Sheshi’. Sipas burimit, për këtë punë qeveria e Beogradit në muajin tetor të vitin 2012 ka ndarë mbi 1 milion euro për pajisje përgjimi, me kërkesë pra të BIA-s.
Pas publikimit të këtij skandali nga portali ‘Te Sheshi’, të gjitha mediat tjera kosovare e morën këtë temë ekskluzive dhe e publikuan.
Ky skandal më pas u konfirmua edhe nga drejtuesit e Komisionit për mbikëqyrjen e Agjencisë Kosovare të Intelegjencës (AKI) në Kuvendin e Kosovës.
Partitë opozitare thonë se situata është shqetësuese dhe papërgjegjësia totale. Sipas tyre, qeveria është në dijeni për ekzistimin e antenave përgjuesve në veri, por është sugjeruar nga faktori ndërkombëtar të mos veproj.
Ekspertët e sigurisë deklarojnë se Qeveria e Kosovës së bashku me partnerët strategjikë duhet të punoi në mënyrë t’i neutralizoi jo vetëm BIA-n por edhe shërbimet intelegjente të tjera të cilat i kanë intersat e veta në Kosovë.
Zëdhënësi i Aleancës për Ardhmërinë e Kosovës (AAK), Muharrem Nitaj, ka deklaruar për portalin “Te Sheshi”, se serveri qendror i të gjitha telekomunikimeve tona është në Beograd dhe jo në Prishtinë.
“Ne shpresojmë se më në fund edhe Kosova do ta ketë kodin e vet, por sot për sot situata është kjo që është. Situata është shqetësuese dhe papërgjegjësi totale. Ne kemi pasur raste kur ministri i policisë është ankuar se po përgjojnë. Tash ju vlerësoni vetë se çka ndodh me të tjerët që nuk janë ministra të policisë”, ka deklaruar Nitaj.
Kryetari i Komisionit Parlamentar për mbikëqyrjen e Agjencisë Kosovare të Inteligjencës, Haxhi Shala, ka deklaruar për portalin ‘Te Sheshi’, se ka informacione se Serbia ka vendosur disa antena të reja në disa qytete të Kosovës. Përveç pjesës veriore të Kosovës, Shala thotë se antenat janë vendosur në Manastirin e Deçanit, në Hoçë të Madhe dhe në Pejë.
“Institucionet e Kosovës janë në dijeni të prezencës dhe veprimit të antenave përgjuese në veri, qysh prej vitit 2013. Qeveria është në dijeni, por është sugjeruar nga faktori ndërkombëtar të mos veprojmë dhe të lejohet prezenca e atyre antenave në veri”, ka deklaruar Shala.
Eksperti i sigurisë, Avni Islami, ka thënë për portalin ‘Te Sheshi’, se jo vetëm nga viti 2013 por edhe më herët edhe pas vitit 1999 e këndej ajo ka qenë dhe është aktive në tërë territorin e Kosovës. Ai thotë se për këtë, mekanizmat institucional të vendit tonë por edhe të bashkësisë ndërkombëtare janë në dijeni por kjo nuk përbën rrezik për derisa janë identifikaur pajisejet dhe aparaturat e përgjimit si dhe lokacionet.
“Rreziku më i madh për Kosovën vjen nga rekrutimi i bashkëpunëtorve të BIA-s , të cilët mund të kenë qasje në dokumentet top sekrete që mund të fotografon , printohen apo të vidhen , apo vendosja e paisjeve nëpër zyrat e qeveritarëve etj. Sot lufta më e madhe është për informacionin , ai që e ka në dorë atë ai e zotëron botën. Qeveria e Kosovës së bashku me partnerët tanë strategjikë duhet të punoi më shumë në këtë drejtim në mënyrë të t’i neutralizoi jo vetëm BIA-n por edhe shërbimet intelegjente të tjera të cilat i kanë intersat e veta në Kosovë”, thotë Islami.
Ja ku janë të vendosura paisjet e përgjimit nga Serbia:
Burimi portalit ‘Te Sheshi’, ka deklaruar se paisjet e përgjimit janë të vendosura në fshatin Kurillov të komunës së Zubin Potokut, ku kompania ‘Tekelomserbija’ mbulon me sinjal telefonik një pjesë të madhe të komunave të Dukagjinit. Po ashtu, në kodrën e ‘Brankut’ përmbi Liqenin e Gaziviodës ku antenat e ‘Telekomserbija’, mbulojnë me sinjal tërë komunën e Zubin Potokut si dhe një pjesë të qytezës së vogël të Serbisë pra Ribariqit.
Në kodrën e ashtuquajtur ‘Matice’, përmbi Zveçan, ‘Telekomserbija’, përmes valëve direkt nga malet e Kopavnikut, mbulon me sinjal Mitrovicën dhe Zveçanin si dhe në bregun mbi qytezën e Leshakut , ku antenat e ‘Telekomserbije’, mbulojnë me sinjal tërësisht Leshakun dhe Leposaviqin”. Këto paisje quhen ASC dhe BIA i ka blerë në Amerikë.
Portali ‘Te Sheshi’, ka bërë përpjekje të marr edhe mendimin e Qeverisë së Republikës së Kosovës se a është në dijeni për vendosjen e këtyre antenave përgjuese në veri të vendit dhe çfarë veprime do të ndërmerr, por zëdhënësi i Ekzekutivit Arban Abrashi nuk i është përgjigjur thirrjeve telefonike.
Portali ynë ka tentuar të marr prononcimin edhe të partisë opozitare Lëvizja “Vetëvendosje”, lidhur me këtë çështje por nuk kemi marr përgjigje në pyetjet e adresuara.
Ndryshe, sipas burimit të portalit ‘Te Sheshi’, paisjet përgjuese janë të fjalës së fundit të teknologjisë, që është e aftë që të incizojë çdo bisedë të çdo individi, që përmend fjalët kritike si bomba, armë, drogë, KFOR, EULEX, Polici etj. /tesheshi.com/
