Një barazim 1-1 ndaj Finlandës!
Sigurisht që fitorja do të ishte shumë më e dëshiruar, por dhe një barazim e një pikë në të parën ndeshje në eliminatoret është një rezultat fantastik për një skuadër përfaqësuese që deri para pak orësh nuk e dinte se çfarë lojtarësh do të aktivizonte.
Kosova e ka kryer misionin! Ka debutuar e është larguar me një rezultat pozitiv nga Finlanda.
Finlanda e ka nisur më mirë, duke kaluar në epërsi në minutën e 18-të. Realizuesi i golit ka qenë Arajuuri, por kaq ka qenë për finlandezët, që nuk shkuan më tepër se kaq.
Reagimi i përfaqësueses së Kosovës ka ardhur në pjesën e dytë, kur edhe ka barazuar. Valon Berisha ka shënuar me 11-metërsh në minutën e 60-të, duke fiksuar rezultatin 1-1.
Në barazim, po 1-1, kanë përfunduar dhe dy takimet e tjera të grupit I, Kroaci – Turqi dhe Ukrainë – Islandë. /tesheshi.com/
