Pas provokimeve të vazhdueshme të Serbisë siç ndodhi me rastin e trenit dhe murit në veri, bërja e ushtrisë së Kosovës mbetet një premtim i vazhdueshëm i politikës kosovare, por deri më tani i realizueshëm.
Se është e nevojshme të krijohet ushtria e thotë edhe John Skovbo, drejtor i Akademisë Ushtarake në Danimarkë (EBA), pasi sipas tij Kosva përveç tensioneve të reja që mund të ketë me Serbinë, do të përballet edhe me ndikimin e Rusisë, që synon të shtrijë ndikimin e saj në Ballkan.
Skovbo në një intervistë ekskulzive për tesheshi.com flet për akademinë që drejton, bashkëpunimin që kanë me FSK-në, dhe ushtrinë shqiptare, si dhe tema tjera.
Intervistoi: Blendi Gashi
A mund të na flitni pak për Akademinë Ushtarake në Danimarkë (EBA), që ju e drejtoni? Cili është misioni i saj, sa pjesëtarë ka ?
Akademia që drejtoj është themeluar njëzet vite më parë. Arsyeja e themelimit është se shihej e nevojshme një organizatë ndryshe (ushtarake), për të pasur një edukim sipas standardeve të NATO-s.
Jemi më fleksibël se një një organizatë e madhe. Kemi rreth 70 instruktorë të mençur të cilët kanë specializime të ndryshme në organizatë.
Ju keni qëndruar për vizitë në Kosovë dhe Shqipëri. Çfarë përshtypje ju lënë këto vende?
Unë Kosovën e kam vizituar shumë herë, dhe më pëlqen vërtetë shumë të jem këtu. Unë e shoh shtet sovran dhe në këtë drejtim dëshiroj një ushtri të edukuar mirë për ruajtjen e kufijve.
Shqipëria dihet se është pjesë e NATO-s, por dituria i nevojitet secilit për të rritur ose përmirësuar zonat e njohura në mënyrë që të jenë të gatshëm për ndonjë të papritur.
Çfarë bashkëpunimi keni me Forcën e Sigurisë së Kosovës dhe si e vlerësoni punën e saj? Po, me forcat ushtarakte të Shqipërisë?
EBA ka organizuar një punëtori një ditore për oficerët e FSK-së ku ju kanë ofruar njohuri me doktrina më të reja të NATO –s.
FSK-ja deri më tani ka pranuar trajnime vetëm të karakterit të mbrojtjes civile apo katastrofave ushtarake por i mungojnë trajnimet adekuate me karakter ushtarak.
Kurse me ushtrinë shqiptare jemi në bisedime dhe mendoj që në javët e para të muajit korrik të këtij viti do të organizojmë edhe atje një punëtori me karakter ndërkombëtar.
Pra, EBA si akademi ka njohuri të shumta në ofrimin e trajnimeve sepse ka një eksperiencë disa dekada në fushën e mbrojtjes të cilat mund t’ia ofroj partnerëve në të ardhmen.
Ju në nëntor të vitit të kaluar keni zhvilluar një takim me komisionin parlamentar për siguri ku keni diskutuar mundësinë e trajnimit të FSK-së në akademinë daneze? A pritet ndodhë një gjë e tillë ?
Po. Ishte një takim produktiv ku u bisedua nëse Kushtetuta lejon trajnime në doktrina ushtarake dhe u konkludua se akademia jonë mund të përfundoj një trajnim që nuk e shkel Kushtetutën.
Zgjedhjet në Kosovë janë më 11 qershor dhe të gjitha partitë pranojnë nevojën që të themelohet ushtria . Si drejtues i EBA-s kam biseduar me parti të ndryshme në parlament dhe ato kanë mendim të mirë për akademinë tonë dhe janë të interesuar të nënshkruhet një kontratë me ne.
EBA-ja është duke pritur që me themelimin e qeverisë së re të arrijë marrëveshje për ofrimin e trajnimeve për FSK-në nga niveli skuadër në nivel brigade.
Premtimet e politikanëve kosovarë janë që FSK do bëhet ushtri brenda këtij viti. Mendoni se mund të ndodhë kjo? Sipas jush si duhet të themelohet ushtria e Kosovës?
Një ushtri ka për të bërë shumë gjëra me kapacitet. Nëse kapaciteti është i ulët, pastaj nevojiten më shumë se fjalë për ta bërë një ushtri. Pra, duhet trajnim dhe edukim.
Për të shuar një ushtri nevojitet vetëm një minutë kohë, por dhjetë vite për ta ndërtuar. Andaj, vlerësimi im është se duhen 3 deri në 4 vite për bërjen e ushtrisë në aspektin edukativ.
Në raportin apo dokumentin stategjik të MFSK-së transformimi zgjatë 10 vite në tri faza, academia që drejtoi ka ofruar program që transformimi të zgjat brenda 3-4 viteve.
A ka kapacitete të mjaftueshme FSK-ja dhe pasi të shndërrohet në ushtri çfarë investime duhet të bëhen?
Mund të flas për kapacitetin, por varet në atë se çfarë kanë dëshirë politikanët. FSK aktualisht ka armë të lehta, andaj kanë nevojë për artileri, armë anti-tank, armë kundër ajrore.
Si e shihni situatën e sigurisë në vendet e rajonit, pra Kosovë, Shqipëri, Maqedoni…?
Situata e sigurisë është e brishtë në nivel rajonal dhe këtë e dëshmon edhe ndikimi i Rusisë duke përdorur Serbinë dhe Bullgarinë pikërisht në vendet siç janë Kosova dhe Maqedonia por edhe pa lën anash edhe Shqipërinë.
A rrezikohet një acarim i mundshën tensionesh me Kosovës dhe Serbisë?
Mes dy vendeve siç dihet kanë ndodhur disa tensione, si rasti i trenit. Besoj se tensionet do të vazhdojnë ende.
Pra Ballkani rrezikon të përjetojë tensione?
Oficerët tanë parashikojnë më shumë tensione në të ardhmen dhe kjo nga prania e Rusisë në Serbi dhe armatimi i saj. Kjo lidhet edhe me incidentin në Maqedoni ku Rusia nuk e arriti qëllimin e saj.
Andaj, vendet të ndryshme mund të bëjnë situatën më të qëndrueshme duke pasur ushtri të arsimuar mirë e që të bëjnë rojen e sigurt për paqe dhe qetësi. /tesheshi.com/
