Kosova ka marrë një goditje të radhës në rrafshin diplomatik. Ajo nuk arriti që të anëtarësohet në Interpol, që do ishte një fitore e madhe e saj në këto kohë krize njohjesh.
Me ishte 68 pro, 51 kundër dhe 16 abstenime, nuk ishte e mjaftueshme që Kosova të jetë pjesë e kësaj organizate europiane për bashkëpunim policor, e cila po mban Asamblenë e saj në Dubai.
Si në rastin e dështimit në UNESCO, lobimi i fuqishëm i Serbisë mbetet shkaku kryesor i dështimit të diplomacisë së Prishtinës.
Nuk e ka përjetuar mirë këtë zhvillim as Ambasada Amerikane, e cila e ka përkthyer si provokim të Serbisë këtë që ndodhi. “…i nxisim të dy vendet që ti shmangin provokimet dhe të punojnë së bashku për arritjen e një ujdie”, thuhet në një deklaratë të menjëhershme.
“Policia e Kosovës është institucion i integruar plotësisht dhe i aftë, që ka dëshmuar qartazi se ka ndihmuar në shpërbërjen e rrjeteve ndërkombëtare terroriste, të krimeve kibernetike, narkotikëve, armëve dhe të trafikimit me qenie njerëzore. Shumica e vendeve e kanë parë këtë gjë dhe e kanë mbështetur kërkesën e Kosovës për anëtarësim në INTERPOL, përkundër fushatës, të udhëhequr nga Serbia, për t’iu bërë presion vendeve për ta kundërshtuar kërkesën e Kosovës. Mbështetja për anëtarësimin e Kosovës në INTERPOL kurrë nuk ka qenë për pranimin e pavarësisë së Kosovës, por për forcimin e bashkëpunimit ndërkombëtar në fushën e zbatimit të ligjit dhe për të mbyllur një boshllëk kritik të sigurisë në Ballkan. Me këtë rezultat, të gjithë humbasim”, u tha ndër të tjera në deklaratë. /tesheshi.com/
