Nga Blendi Gashi
Janë bërë tetë vite që kur Kosova ka shpallur shtetësinë, por përkundër kësaj nuk ka arritur të miratojë ligjin për qeverinë e Kosovës, me të cilin përcaktohet numri i dikastereve ministrore dhe përgjegjësitë.
Pas shpalljes së pavarësisë, ekzekutivi kosovar është mbështetur vetëm në rregullore të UNMIK-ut.
Ish-qeveria “Thaçi”, në dy mandate dështoi ta miratojë këtë ligj edhe pse e nisi procedurën e miratimit, dhe e pati dërguar në Kuvend në shtator të vitit 2011, por ligji në fjalë vazhdon të pres në sirtarët e kuvendit dhe qeverisë për një riaktivizim të ri.
Në planin legjislativ të këtij viti, një ligj i tillë planifikohet të miratohet nga qeveria në fund të muajit nëntor, por që e njëjta nuk pritet të bëhet nga Kuvendi, pra edhe më 2016-tën qeveria nuk do të ketë ligj të sa.
Njohësit të fushës së ligjeve thonë se mungsa e këtij ligji, kushtimisht vendin e lë pa një qeveri ilegale brenda Kushtetutës së saj.
Riza Smaka, njohës i mirë i ligjeve thotë se kryeminsitrit Isa Mustafa i përshtatet që qeveria e Kosovës të mos rregullohet me akt ligjor, ngase në mungesë të ligjit në fjalë ka mundësi për instalime ad-hock të partizanëve partiak në funksione publike ndryshe inmeritore dhe në dëmin e parasë publike.
“Qeveria e Kosovës është numërikisht më e madhja në Unionin Evropian në njërën anë dhe më pak efiçiente e efikase në anën tjetër. Ndaj kjo qeveri del të jetë ilegale ngase nuk rregullohet me akt ligjor special por me akt nënligjor që nuk ka bazë në aktin ligjor përkatës”, ka thënë profesor Smaka për tesheshi.com.
Mazllum Baraliu, profesor universitar thotë se ekzekutivi kosovar sa më parë duhet ta miratojë ligjin në mënyrë që të vë në bazë ligjore punën e saj.
“Një qeveri serioze është e obliguar ndaj qytetarëve të saj të punoj me bazë ligjore, pra të funksionoj në bazë të rrgullave. Mungesa e ligjit për qeverinë është mangësi e madhe e punës për vet ekzekutivin kosovar. Fillimi i procedurave për miratimin e këtij ligji dhe më pas ngecja, në asnjë mënyrë nuk do të duhej të ndodhte. Qeveria s’mund të punoj me përkushtim kur nuk ka bazë ligjore. Bëj apel që qeveria sa më parë të miratojë ligjin, por jo shkel e shko, por një ligj shembull që të vë në binarë punën e saj”, ka thënë Baraliu, për tesheshi.com.
Portali tesheshi.com ka tentuar gjatë ditës të marrë një prononcim edhe nga zëdhënësi i qeverisë, Arban Abrashi, por ky i fundit nuk i është përgjigjur thirrjeve telefonike.
Instituti për Studime të Avancuara GAP në vitin 2011 përmes një analize të bërë rekomandoi miratimin e ligjit të qeverisë si dhe sugjeroi se çfarë duhet të përmbajë një ligj i tillë.
Ligji për qeverinë duhet që t’i bart përgjegjësinë kuvendit për të vendosur për strukturën e qeverisë, funksionet e saj, detyrat e një qeverie në dorëheqje dhe përgjegjshmëri më e madhe e anëtarëve të kabinetit qeveritar ndaj kërkesave të deputetëve për të dhënë llogari në uvend.
GAP vlerësoi në atë kohë se ligji për qeverinë është një nga ligjet më urgjente i cili duhet miratuar.
/tesheshi.com/
