Qeveria e Kosovës ka marr vendim të ndaj 500 mijë euro për ndihmë Shqipërisë pas tërmetit të sotëm. Ky vendim është marrë në mbledhjen urgjente të Qeverisë së Kosovës, pas tërmetit në Shqipëri. Ministri në largim i Financave, Bedri Hamza, ka propozuar që të ndahen 500 mijë euro për ndihmë në Republikën e Shqipërisë.
“Ministria e Financave i propozon Qeverisë së Kosovës që të ndahet fillimisht një shumë prej 500 mijë euro për Republikën e Shqipërisë për sanimin e dëmeve”, tha Hamza, përcjell kallxo.
Ky vendim me shumicë votash u aprovua në këtë mbledhje nga kabineti qeveritar. Edhe Ministrja e Mbrojtjes e Shqipërisë, Olta Xhaçka ka informuar për situatën e deritanishme nga tërmeti i fuqishëm. Në një konferencë për media tha se i gjithë shteti është në këmbë, ndërsa u shpreh se po mblidhen raportime nga çdo qark për të përllogaritur dëmet. /tesheshi.com/
