Nga Blendi Gashi
2017-ta që po e lëmë pas, do mbahet mend si vit që nisi me tensione në Kosovë, në veri me murin ilegal dhe po përfundon me tensione mes krerëve të institucioneve dhe ndërkombëtarëve.
U shënuan shumë ngjarje në skenën politike, ku do mbahen mend, rrëzimi i qeverisë, mbajtja e dy parë zgjedhjeve, arrestimi i Ramush Haradinajt nga autoritet franceze, si dështimi për të kaluar temat e mëdha si, Demarkacioni, Asociacioni, bërja e ushtrisë heqja e vizave etj.
Arrestimi i Ramushit në Francë
2017-ta nisi jo mirë pasi kryeministri i tanishëm, Ramush Haradinaj më 4 janar u arrestua nga autoritetet franceze bazuar në një fletarrest ndërkombëtar të lëshuar nga autoritetet e Serbisë.
Kjo nxiti reagime të ashpra dhe protesta në Kosovë. Ky arrestim ishte i papranueshëm për autoritetet në Prishtinë.
Haradinaj u lirua më 27 prill.
Muri në veri
Problemi i dytë me të cilën përballej Kosovan ë fillim të 2017-tës ishte edhe ndërtimi i një muri në Veri të Mitrovicës, konkretisht mbi urën e Lumit Ibër, që ndan qytetin në dy pjesë, çka u rritën ndjeshëm tensionet.
Serbët mohuan që ky mur po ndërtohet për të ndarë qytetin duke u arsyetuar se është një shëtitore, por qeveria në Prishtinë e cilësoi ilegal dhe që pengon lëvizjen e lirë të qytetarëve nga të dyja anët, për çka mori vendim për rrënimin e murit.
Me ndërmjetësim të Bashkimit Evropian ku mur u rrënua përfundimisht më 5 shkurt, për çka u pajtuan që të ndërtohet një më i vogël që me të vërtetë do të shërbente për një park qyteti.
Rrëzimi i Isa Mustafës
Ndërsa tensionet në veri u ulën, çështja e Demarkacionit rriti tensionet mes dy partnerëve të qeverisë PDK-LDK-së, mospajtime që kulmuan me rrëzimin e Isa Mustafës nga pushteti.
Kjo ndodhi më 10 maj, pas afërisht katër orë diskutimesh dhe akuzave të ndërsjella mes deputetëve, ku Kuvendi i Kosovës me 78 vota “pro” votoi mocionin e opozitës për rrëzimin e qeverisë “Mustafa”.
Ramushi, kryeministër
Pas rrëzimit të qeverisë “Mustafa”, presidenti Thaçi, shpalli mbajtjen e zgjedhjeve të jashtëzakonshme parlamentare më 11 qershor.
Para zgjedhjeve u krijuan koalicione dhe vendi u nda në dy kampe, koalicioni PDK-AAK-NISMA dhe në anën tjetër LDK, AKR dhe Alternativa, kurse Lëvizja Vetëvendosja garonte e vetme në zgjedhje.
Fituese doli koalicioni PAN, me 34 % të votave, dhe siguroi 39 vende në parlament, Lëvizja Vetëvendosje e cila garoi e vetme në zgjedhje fitoi 27 %, duke siguruar kështu 32 vende duke dale e para si parti., ndërsa koalicioni LAA fitoi 25.7 % të votave, duke siguruar 29 vende në parlament.
Pra Vetëvendosje për herë të parë si parti arriti të mposht PDK-në e LDK-në të cilat nga paslufta kanë garuar me njëra tjerën për vendin e parë.
Por VV-së nuk i ndihmoi kjo që të formoi qeverinë pasi koalicioi fitues i zgjedhjeve PDK-AAK-NISMA-Lista Serbe arritën marrëveshje me AKR-në e Pacollit me të cilën siguruan 61 vota të mjaftueshme për të formuar qeverinë në krye të së cilës erdhi Ramush Haradinaj, kurse Kadri Veseli u rizgodh kryeparlamentar.
Zgjedhjet lokale
Pas zgjedhjeve nacionale dhe krijimit të qeverisë, Kosova hyri në procesin e zgjedhjeve lokale të cilat u mbajtën në 20 tetor.
AAK-ja e Ramushit doli më e fituara nga lokalet pasi fitoi 8 komuna, kurse më e dëmtuara doli PDK e cila fitoi veç 5 komuna të vogla, ndërsa humbi pushtetin në komuna të mëdha si bastionin e saj Prizrenin.
Ndërsa LDK-ja e Isa Mustafës nuk arriti të rikthej Prishtinën, duke dalë fituese në 7 komuna.
Dështimet e njëjta të Ramushit si të Isës
Pas formimit të qeverisë Bashkimi Evropian, ashtu si qeverisë “Mustafa” edhe qeverisë “Haradinaj” i kërkoi që ta vazhdojë luftën kundër korrupsionit dhe krimit të organizuar, duke e rikujtuar serish që duhet të ecet përpara edhe në ratifikimin e Demarkacionit me Malin e Zi dhe dialogun me Serbinë.
Qeveria “Haradinaj” e procedoi marrëveshjen për Demarkacioni në Kuvend por që kjo marrëveshje nuk u sell në rend dite duke dështuar të ratifikohet brenda këtij viti.
Qeveria “Haradinaj” dështoi edhe sa i përket heqjes së vizave dhe bërjes së ushtrisë. Kjo nuk ndodhi edhe pse Ramushi premtoi liberalizimin e vizave dhe transofrimin e FSK-së në Forca të Armatosura brenda tre mujorit të parë të qeverisjes gjatë fushatëz zgjedhore.
Dekretimi i 40 gjyqtarëve dhe 13 prokurorëve serb nga presidenti
Një ngjarje që çoj jo pak pluhur është edhe dekretimi nga presidenti Thaçi i 40 gjyqtarëve dhe 13 prokurorë shumica nga ta serb që do të punojnë në veri të Kosovës.
Ndërsa presidenti Thaçi tha se me këtë dekretim, shënohet edhe fillimi i zbatimit të marrëveshjes së drejtësisë për veriun e Kosovës, opozita por jo vetëm kritikuan mënyrën e dekretimit të tyre duke thënë se nuk e kanë bërë në pajtim me ligjet dhe Kushtetuën e Kosovës.
Tension i ri – Gjykata Speciale
2017-ta ashtu si nisi edhe po përfundon me tension. Dhe tensioni i ri është mes krerëve të institucioneve kosovare me praninë ndërkombëtare në Kosovë.
Arysje është iniciativa pa asnjë paralajmërim e 43 deputetë kosovarë të cilët më 22 dhjetor kërkuan mbajtjen e një seance të jashtëzakonshme për shfuqizimin e ligjit për Gjykatën Speciale për krime lufte, ligj ky i miratuar në Kuvendin e Kosovës në vitin 2015.
Menjëherë ndaj kësaj iniciative reaguan ambasadorët e vendeve të QUINT-it, që paralajmëruan krerët kosovarë të mos ndërmarrin një veprim të tillë se pasojat do jenë të mëdha.
Por as kjo vërejtje nuk i ka ndalë mabiciet e Thaçit, Haradianjt, Veselit por edhe deputetit Nait Hasani që mblodhi nënshkrimet e deputetëve që të flasin “pro” shfuqizimit të Speciales.
Dhe ndaj tyre së fundmi ka ardhur një reagim i fuqishëm edhe nga Departamenti Amerikan i Shtetit që ka kërkuar nga institucionet kosovare t’i mbajnë duart larg nga Specialja dhe të mos gabojnë ta shfuqizojnë atë.
Kjo sfidë do jetë prezente qysh në filim të vitit 2018-të ashtu si edhe çështjet tjera, si Demarkacioni, ushtria, kërkesat për heqjen e vizave por edhe themelimi i Asociacionit të Komunave me Shumicë Serbe apo siç njihet ndryshe “Zajednica” e cila vitin që po hyjmë do jetë kërkesë e vazhdueshme e Listës Serbe. /tesheshi.com/
